韓國之旅 DAY 2 @ 宅女狂想曲

7半起身,,救命!!

上到旅遊巴,幾乎個個訓哂,,,今日第一站係食早餐先。
呢個係惡導遊..

之後去左冰室,,由於果度好冷,,事前要著一件羽「擁」,,但其實著左都好冷囉,,,,

玩完冰室,我地就入一間房到削冰杯...有點無聊,,最後我削左件怪野出黎,,反正都唔會拎返屋企,都無咩所謂啦,,

成班團友化身工人,係到猛削。

第二站就係總統府

草草影完了合照,,比攝影師夾硬影左幾張單人相,又去第三站了。

第三站是韓屋村

一個有好多舊式韓國建築物的地方,唔知今日係咪幼稚園開放日,好多小朋友~~佢地都好得意呢!!有個仲拖住我隻手tim ar!!!!真係好想抱佢返香港!!@@

第四站是LUNCH時間
食石頭鍋飯,,仲配左個火鍋比我地,,韓國人是不是很喜歡食鍋的???

店內有好多明星海報,,但就是沒有SJ的!!為什麼!?

第六站是去玩雪兜

事前要租衫,盛惠 $12000 WON (約84 HKD)...

有D老人家團友聽到要比錢都唔玩了。我都覺得有D掠水,,不過算啦,,黎得旅行都預左
不過下次有得簡,我都唔會入去玩

裡面係一個滑雪場,,與其話係雪,不如話係冰..我地玩左2-3次雪兜,沖左幾次,就唔想玩了,所以提早交衫,去左樓下商場行下。

買左2個冬甩,幾好味架!

好似係1000-1500 WON左右一個 (約7 HKD)

第七站,終於去梨花女子大學了!有得行街,成個人都精神返!

導遊比左2個小時我地行,行呢度都夠既,因為新村唔係好大。
我地既目標係化妝品同護膚品,主打E-TUDE HOUSE 同INISFREE先,仲有MISSHA

E-TUDE HOUSE既指甲油真係好靚,一支1000 WON(7 HKD),而INISFREE就係面膜抵買,一張950WON (6.6 HKD)

反而衫我地就無買,,因為好多香港都有買~

我地係呢度都有唱錢, 1:144,都ok!!

行完就去餐廳會合團友,今晚食炒年糕,,,

韓國人都好中意食年糕,,而且仲要唔SPICY都唔食,,好在佢地既分量我都頂得到,,

呢餐算係最好味既一餐!!

最後一站係去睇「大長JUMP」

聽說在全世界都有巡迴演出,,不過我就無聽說過了....
其實都幾好睇,,,真係真功夫囉!而且都有劇情,可能係世界性演出,佢都無咩對白,可能係想所有觀眾都看得明吧!

有些團友由於太累,都睡著了,我都不敢睡,,一來我覺得不錯看,二來呢張票原價都要40000WON 架!!(281 HKD)

看完,,返酒店,,幫今日既戰利品影下相,,訓覺LU!!

左上角既洗面乳,是從MISSHA買的,三支一盒,只需 5500WON (38.7 HKD),好抵啊!!
樽型面膜,好似850 WON (5.98 HKD),,香港有買,但就係30蚊3塊
E-TUDE HOUSE指甲酒 1000WON (7HKD)
最左面是MISSHA蘆薈臉膜,10000WON10包 (70HKD)

終於比我係電視見到SJ一員,始源,,